+14 °С
Облачно
Саман увер
30 Апреля , 06:11
Пашазе династийлан конкурс
Кундемыште «Трудовые династии Республики Башкортостан» конкурсым увертареныт.
Тудым агропромышленный комплекс, здравоохранений, образований, промышленность, тӱвыра, чоҥымо паша, транспорт, социальный обслуживаний да республикын моло тӱҥ отрасльыштыже (чылаже 18 тӱрлӧ) кок йыжыҥ дене ойырат. Конкурсым «За эффективную работу» (шуко награда ден сеҥымашым сулышо династий), «За преемственность поколений» (шуко еҥан пашазе династий), «Старейшая династия» (ик сферыште ыштыше кугу паша стажан еш-влак) номинацийлаште эртарат. Тушко ушнаш шонышо еш-влакын ик аланыште тыршыме чумыр паша стажышт 30 ий деч шагал лийшаш огыл.
