Догазификаций программа нерген

Тидын нерген шке соцлаштыкыштыже республикым вуйлатыше Радий Хабиров увертарен. Тудо социальный объектлашкат газым пурташ кӱлмӧ нерген ойырен палемден. Башкортостан Вуйлык Р. Хабировын мутшо почеш, республикыште догазификаций программа 65,5 тӱжем пӧртыш газым пурташ йӧным ышта. Тушко ушнаш йодмашым РФ Газификаций шотышто единый операторын порталыштыже (https://connectgas.ru/), клиент-влаклан «Газпром газораспределение Уфа» единый рӱдерыште, тиде компанийынак сайтыштыже, МФЦ офислаште, тыгак «Госуслуги» портал гоч пуаш лиеш.