Янаулышто урем-влакым тӱзландарат

Кодший Янаул ола «Северные ворота Башкортостана» проектше дене изи олалаште да исторический поселенийлаште илаш йӧнан вер-шӧрым ыштыме шотышто Всероссийский конкурсышто сеҥыше радамыш логалын.

Федерал, республика бюджет кӱшеш да нацпроект полшымо дене олан уремлаштыже общественный кумдык-влакым тӱзландарат. 25 июньышто, Олан кечыж годым, уэмдыме вер-шӧрым БР Вуйлыкын администрацийжым вуйлатыше А. Сидякин, БР ЖКХ министрын алмаштышыже Н. Ельников, Башкортостанысе ола ден села-влакым вияҥдыме шотышто институтын директоржо А. Фаткуллин, БР Вуйлыкын общественный кумдыкым да оласе средам вияҥдыме шотышто советникше О. Сарапулова ончен савырненыт, увертара БР Жилищно-коммунальный озанлык министерство.