-1 °С
Пылан
Все новости
Спорт
2 Ӱярня , 14:43
Лапта дене модмаште писе да тале улмыштым ончыктеныт
Февраль мучаште Йошкар-Олаште «мини-лапта» модмаш дене Всероссийский спорт таҥасымаш-влак эртеныт. Тушто элын тӱрлӧ кундемлаж гыч (Ярославль, Челябинск, Оренбург, Москва, Ростов область, Марий Эл, Удмуртий, Чуваший республикыла да молат) 12 команда чумырген.
А. Набиевын фотожо-влак.
Команда-влакын тренерышт.
Икымше радамыште - Башкортостан гыч мийыше командын рвезыже-влак.
Таҥасымаште 13-14 ияш ӱдыр-рвезе-влак вийыштым тергеныт. Башкортостан Республикын чапшым элысе таҥасымаште Нефтекамск да Мелеуз олаласе школ-влакын сборный командышт арален. Нуным таҥасымашлан тренер-влак А.В. Набиев ден А.С. Батов ямдыленыт.
Марий тренер-преподаватель А.В. Набиев Нефтекамск оласе 6-шо школышто физкультурым туныкта, тидын дене пырля кружокышто йоча-влакым лапта спорт модмашлан кумылаҥда. Командыштыже тиде гана Глеб Набиев, Мирослав Гайниятов, Шерзод Доруев, Рината Бурганова, Элина Валеева да Камилла Шумкова таҥасеныт. Мини-лапта модмаш дене Всероссийский таҥасымаште 12 кундем коклаште Башкортостан Республикын рвезыже-влак 7-ше верыш, ӱдыржӧ-влак 6-шо верыш лектыныт. Нунылан ончыкыжат у сеҥымашым, у кӱкшытыш шуаш тыланена!
Новости партнеров