Телымсе биатлонышто - кок бронза медаль

Тудо самырык ӱдырлан у сеҥымаш-влакым конден. Декабрь покшелне Анастасия Тюмень областьын Уват селаштыже биатлон дене 19-21 ияш юниор-влак коклаште Всероссийский таҥасымашыште ойыртемалтын - «индивидуальная гонка» дисциплиныште кумшо верыш лектын. Тулеч вара 21 декабрьыште Тюмень областьын Мичуринск селасе «Жемчужина Сибири» телымсе спортын рӱдерыштыже биатлон дене шке ийготан-влак тӱшкаште 7,5 километрым куржмо спринтыште кумшо толын! Тыге элысе кок таҥасымаш гыч Анастасия бронза медаль-влак дене пӧртылын. Самырык спортсмен Уфа олаште М. Акмулла лӱмеш кугыжаныш педагогика университетын нылымше курсыштыжо тунемеш, олимпийский резервым ямдылыме спорт школышто шуаралтеш, Башкортостан Республикын биатлон дене юниор-влакын сборный командыштын еҥже улеш.