Ечызе-влак тӱрлӧ - 5 гыч 50 километр марте - дистанцийыш куржыныт.
Рӱдоласе ече марафонышто Шаран район Янахмат ялын шочшыжо, изинек ече спортлан шӱман Виктория ШАФИЕВАТ (МИНЛИКАЕВА) вийжым терген. Тудо таҥасымашыште любитель семын лу километр дистанцийыш куржын, районжын чапшым арален. Виктория шке ийготан-влак тӱшкаште 16-шо верым, абсолютный зачетышто 26-шо верым налын. Мут толмашеш, тудо тений ече дене чылаже 6, кодшийсе ече тургымышто 14 спорт таҥасымашыш ушнен, призовой верлам налын. Саламлена Викториям, ончыкыжат у сеҥымашыш шуаш тыланена!