Мӱкшызӧ-влакын конгрессышт

23-25 январьыште мӱкшызӧ-влак кугу промышленный мӱкшотар-влакым почмо, мӱкшавам ӧрчыктарыме, мӱкшым искусственно тӱжаҥдыме, шке сатуштым йот эллаш ужалыме, апитерапий, агротуризм да моло йодышлам каҥашат. Инвестор ден мӱкшызӧ-влак коклаште вашкылым ышташ да мӱкш ончымаште кучылтмо арвер-влакым ончен савырнашат йӧным ыштыме. Тачак тӱнямбал мӱй конкурсын иктешлымашыж дене палдарышаш улыт.

Конгресс-холлышто республикысе мӱкшызӧ-влакын сатушт денат палыме лияш да нуным налаш лиеш. Теве кресаньык-фермер озанлык вуйлатыше Виктория Хазиева Мишкан районысо Кугу Соказа ял воктен верланыше мӱкшотарыште погымо мӱй гыч ыштыме тӱрлӧ сувенир сатум темла. Тӱрлӧ леденец ден ландринжым икшыве-влак гына огыл, йоча жапыштым шарналтен, кугыеҥ-влакат тамлен ончаш тореш огытыл дыр.