Аллейлан у тӱсым пуртат

Тӱзатыме, ачалыме деч вара тиде аллей «Семь лепестков курая» бульвар» маналташ тӱҥалеш. Тиде верлан у тӱсым пурташ «Жильё и городская среда» национальный проектын «Формирование комфортной городской среды» федеральный программыже йӧным ышта. Тудым икмыняр функциональный ужашлан шеледаш палемдыме. Тиде пеледыш клумба-влак, тӱрлӧ занятийлан площадка, йоча-влаклан модмо вер да молат. Бульвар покшелан «кукшо» фонтаным, а йырже амфитеатрым ушештарыше теҥгыл-влакым вераҥдаш шонат, увертара БР Жилищно-коммунальный озанлык министерство. Аллейым сылнештарыме сомыллан негызым пыштыме - кызыт тушко тротуарлан плиткым конденыт, ошмам да моло чоҥымо материалым шупшыктат.