«Россий» выставка пашажым мучашлен

Выставкын оргкомитетшым вуйлатыше, Россий Президентын Администрацийжым вуйлатышын икымше алмаштышыже Сергей Кириенкон мутшо почеш, кандаш тылзе пашам ыштымыже жапыште ты выставкым 18 млн утла еҥ ужаш миен. Тыште  чотшо деч утларакше еҥ-влакын шижмашыштым палемдыман: нуно элна нерген уым пален налмышт, элыштына але шке кундемыштышт илыме дене, кугу тичмашын ужашыже улмыштым шижме дене кугешныме нерген ойленыт.  

Башкортостанын командыже 30 тематический кечым да арням, 300 наре мастер-классым, 51 презентацийым эртарен, 10 кугу предприятийын сатуж дене палдарен, шуко оҥай мероприятийым ончыктен, воза БР Правительствын пресс-службыжо.