Оҥай выставкым почыныт

Кредалмаште пудештарыме танк, бронетранспортер, пехотын боевой машинаже-влак гыч южыжым, тӧрлаташ лийшашыжым, ачаленыт. Йот бронетехникым шымлыме деч вара тудым трофей семын музейыш пуат. Трофейный вооруженийым Поклонный курыкысо Сеҥымаш паркыште выставка семын ончыкташ РФ-н Оборона министерствыже темлен. Тушто 12 эл гыч колтымо саркуралын 30 утла образецшым ужаш лиеш: тиде США-н, Великобританийын, Германийын, Францийын, Турцийын, Швецийын, Чехословакийын, ЮАР-ын, Финляндийын, Австралийын, Австрийын да Украинын шкенжын техникышт, воза «Российский газет».