Башкортостан Республикын консолидированный бюджетшым кузе шуктымо?

БР Финанс министерствын данныйже почеш, 2023 ий 1 февральлан ончымаште, Башкортостан Республикын парыш шотышто консолидированный бюджетшым 12 907,4 миллион теҥгелан (2022 ийын 81,4 процентше) шуктымо.

The image is generated by a neural network https://stablediffusionweb.com/

Тушеч налоговый да налоговый огыл парыш - 6 297,1 миллион теҥге (икияш планын 2,6 процентше, 2022 ийысе деч 5 701 миллионлан але 1,9 гана шагалрак). Налоговый парышын шагалеммыже юрлица ден индивидуальный предприниматель-влаклан налогым тӱлымӧ у радамым илышыш шыҥдарыме дене кылдалтын.

Парышын тӱҥ источникшылан ончычсо семынак физлица-влакын парышыштлан налог (48,6 процент), организаций-влакын парышыштлан налог (14,9 процент), акциз-влак (6,9 процент), совокупный парышлан налог (4,1 процент), погылан налог (2,8 процент) шотлалтыт. Налоговый огыл парыш 1 353,4 миллион теҥгеш (2022 ийысе деч 477,7 миллион теҥгелан але 1,5 гана шукырак) шуын, тиде ий тӱҥалтыш годсек бюджетыш пурышо пеним у радам дене шотлымо дене кылдалтын).

Безвозмездный поступлений-влак - 6 610,3 млн теҥге (чумыр парышын 51,2 процентше, 2022 ийысе деч 2 748,0 млн теҥгелан але 1,7 гана шукырак).

Консолидированный бюджетын роскотшо 2023 ий январьыште 15 655,3 млн теҥгеш (2022 ий деч 22,2 процентлан шукырак) шуын. Тыште кугу верым социальный йодыш-влак айлат - уло роскотын 84,6 процентше але 13 241,4 млн теҥге. 2023 ий январьлан парыш шотышто республикын бюджетшым 12 520,1 млн теҥгелан (2022 ий деч 15,9 процентлан шагалрак, тушеч налоговый да налоговый огыл парыш - 4 592,2 млн теҥге (кодшийсе деч 2,1 гана шагалрак), роскот шотышто бюджетым 15 336,6 млн теҥгелан (2022 ий деч 15,6 процентлан шукырак) шуктымо.

Верысе (муниципальный район, ола округ, селасе да оласе поселений) бюджет-влакын парышышт 2023 ий 1 февральлан 4 991,8 млн теҥгеш (налоговый да налоговый огыл парыш 1 704,9 млн теҥге, 2022 ийысе деч 1,4 шагалрак) шуын. Тушеч муниципальный районласе бюджетыш 751,4 млн теҥге, ола округ-влакын бюджетыш 953,5 млн теҥге пуреныт. Тиде идалыкаш планын 3,2 да 4,0 процентышт. Верысе бюджет-влакын роскотышт 2023 ий 1 февральлан 4 923,2 млн теҥгеш (2022 ийысе деч 1,3 гана шукырак) шуыныт, увертара БР Правительство.

The image is generated by a neural network https://stablediffusionweb.com/

Автор:Людмила Шавалиева

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».