БР Здравоохранений министерствын увертарымыж почеш, 2022 ийыште республикыште 10 медицина объектым (Чекмагуш ден Бирскыште поликлиника-влак, 8 капитальный ФАП) чоҥымо да сдатлыме. Тыгак Тошто Туймаза (Туймаза район) да Дюмеево (Илиш район) селалаште врачебный амбулаторий-влакым чоҥымо пашам мучашлыме. 55 аварийный ФАП-ым модульный конструкцийлан вашталтыме, 18 медицина организацийыште капитальный ачалыме пашам шуктымо. Тыгак, «Модернизация первичного звена здравоохранения» региональный программа дене келшышын, кодший республикысе медучреждений-влаклан 2990 оборудованийым да 90 автомобильым ойырымо. «Здравоохранений» нацпроектын региональный программыже-влак полшымо дене шӱм да вӱргорно черым эмлаш 43 медоборудованийым, онкологий черым эмлаш 68 оборудованийым, «Создание единого цифрового контура в здравоохранении на основе ЕГИСЗ» программылан эҥертен, информаций да коммуникаций оборудованийым налме.