Единовременный окса полышым ойырат

Тидын нерген тудо шочмын, 5 декабрьыште, эртыше оперативный совещанийыште увертарен. «Вашке У ий шуэш. Мемнан мобилизоватлалтше рвезына-влак суртышт деч мӱндырнӧ улыт. Нуно молгунамсе гай ешыштым мӧҥгыштӧ саламлен огыт керт, садлан тыгай пунчалым лукна. Шийвундо еш-влак дек 26 декабрь марте миен шушаш», - рашемден Радий Хабиров. 

Единовременный окса полыш мобилизацийыш логалше-влакын банкысе счетышкышт пурышаш. Тидын шотышто ешышт йодмашым калыкым социально аралыше учрежденийлаште да МФЦ-ште, «Госуслуги» портал гоч пуэн кертыт. Пелен пелашыштын мобилизацийыш логалмышт, икшывыштын вузышто але колледжыште тунеммышт (республика деч ӧрдыжтӧ тунемеш гын) нерген справкышт лийшаш. Единовременный выплатым налме шотышто лекше йодышым Калыклан социальный полышым пуышо республикысе рӱдерын (347) 200-80-80 номеран «шокшо линийыштыже» рашемдаш лиеш, увертара БР Вуйлыкын официальный сайтше.