Эн сай кочкыш-йӱыш сатум ойыреныт

Выставкын экспозицийыштыже кочкыш-йӱыш сатум ыштен лукшо 100 наре кресаньык-фермер озанлык, потребкооператив, индивидуальный предприниматель, агрохолдинг-влакын продукцийыштым ужаш лийын. А конкурсыш кундемысе 24 муниципалитет гыч 54 бренд, 123 производитель ушненыт. Йӱклымаш почеш Чишмасе плодопитомник, Сабирзянов Ильнур Ахтямович ИП да «Бай» СССПК сеҥышыш лектыныт. Тыгак эн сай кочкыш-йӱыш сатум ыштыме «Наш бренд» конкурсышто ойыртемалтше производитель-влаклан жюри Гран-прилан 7 кубокым, 35 шӧртньӧ, 10 ший да 5 бронза медальым кучыктен. Гран-прим «Центральный» СППССК, «Группа Компаний «Российское Молоко» АО-н филиалже - Стерлитамакысе шӧр комбинат, «Уфимский мясоконсервный комбинат» АО, «Боска-Рус» ЗАО, Байдимирова Л.В. ИП, «Турбаслинские бройлеры» АО, «Месягутовский молочноконсервный комбинат» ООО сеҥен налыныт, увертара БР Ял озанлык министерство.