Все новости
Новости
3 Сорла , 12:34

«Пасун кечыже» семинар-влак эртат

Республикыште уржа-сорла тургым вашеш «Пасун кечыже» зональный семинар-совещаний-влакым эртарат. 26 июльышто тыгай погынымаш Зианчура районышто лийын.

«Пасун кечыже» семинар-влак эртат
«Пасун кечыже» семинар-влак эртат

«А7Агро РБ» ял озанлык предприятийын пасулаштыже Зауральен 12 районжо гыч аграрий-влак тенийсе уржа-сорла тургым дене кылдалтше йодыш-влакым лончыленыт, тӱрлӧ ял озанлык культурым ӱдымӧ опытный да демонстрационный участке-влакын пашашт дене палыме лийыныт. БР Ял озанлык министерствын увертарымыж почеш, тыгаяк «Пасун кечыже» семинар-совещаний 2, 3 августышто Благовар районын «Благоварский» кайыкым ончышо племзаводыштыжо эртен. Тенийлан пытартыш «Пасун кечыже» погынымашыш ял озанлык пашаеҥ-влак Янаул районын пасулаштыже чумыргат.

Автор:Людмила Шавалиева
Читайте нас в