Все новости
Новости
3 Сорла , 10:34

«Агидель олам саемдаш тӱҥалына»

Июль мучаште Агидель олаште БР Правительствын выездной заседанийже эртен. Тушто тӱҥ верым Агидель олам тӱзландарыме, тудын жилищно-коммунальный комплексшым вияҥдыме йодыш айлен.

БР Правительствын сайтше гыч налме фото-влак.
Фото:БР Правительствын сайтше гыч налме фото-влак.

Олаште йырысе кумдыкым саемдаш «Формирование комфортной городской среды» федерал проект полша. Тыгак «Центральный парк. Волны Агидели» проект, «Башкирские дворики» программа почеш изи огыл паша шукталтеш. Улшо нелылык коклаште - теплоснабжений системым саемдымаш. Тидлан олаште кызыт «БашРТС» компаний у котельныйым чоҥымо шотышто инвест проектым илышыш шыҥдара. Премьер-министр Андрей Назаровын мутшо почеш, тудо тений ий мучаш марте пашам ышташ тӱҥалшаш. 

Погынымаш годым тыгак олаште социальный, демографий политикым, верысе калыкын илышыжым саемдыме, паша верым ыштыме, экономикым, спортым да физкультурым вияҥдыме, инвалид, илалше-влаклан пансионатым чоҥымо, грузовой речной портым ыштыме, Агидель - Нефтекамск кӱртньыгорнын реконструкцийже дене кылдалтше йодыш-влакым тарватеныт. Агидельыште ий еда Пенсионер-влакын регион-влак кокласе спартакиадыштым эртараш шонат. Олаште Андрей Назаров верысе калык дене вашлийын, «Тӱвыра» нацпроект почеш уэмдыме «Идель» тӱвыра пӧртым, моло социальный объект-влакым ончен савырнен.

БР Правительствын сайтше гыч налме фото-влак.
БР Правительствын сайтше гыч налме фото-влак.
БР Правительствын сайтше гыч налме фото-влак.
Фото:БР Правительствын сайтше гыч налме фото-влак.
Автор:Людмила Шавалиева
Читайте нас в