Тыгай йодышым ончычат тарваташ верештын, садлан Башкортостан Вуйлык Радий Хабиров пӱртӱс дене пайдаланыме да экологий министрын пашажым шуктышо Нияз Фазыловлан да республика Правительствын Премьер-министрже Андрей Назаровлан регоператор шотышто раш пунчалым лукташ темлен.
«Дюртюлимелиоводстройлан» ола ден ялла гыч шӱкшакым жапыштыже наҥгаен шогаш, контейнер-влакым налаш да 2022 ий 1 июль марте пашажым шотыш кондаш шӱдымӧ. Уке гын ончыкыжым тудден кылым кӱрлаш сӧрат.