Визымше майлан шотлымаште, Башкортостан Республикыште икияш культура-влакым 654 тӱжем гектар мландыште (ӱдышаш чумыр кумдыкын 30 процентше) ӱденыт. 405 тӱжем гектар мландыште пырчан, 169 тӱжем гектарыште ӱй нӧшман кушкылым, 13 тӱжем гектарыште сакырушменым шынденыт. Ныл районышто шошо аган «экваторжымат» эртеныт. Аургаза районышто икияш культурым ӱдаш палемдыме планын 60 процентшым, Кармаскале районышто 59 процентшым, Мелеуз районышто 56 процентшым, Альшей районышто 54 процентшым теменыт, увертара БР Ял озанлык министерствын пресс-службыжо.