Марсель Байрамов, Мишкан район Кульчубай ялын шочшыжо, школышто тунеммыж годымак виян спортсмен, тале ечызе, чолга, кумылзак да виш чонан рвезе ыле. Моло-влакын волгыдо ончыкылыкышт, тыныс тӱняште илышашышт верч ужар вуйжым пыштымыж нерген ты кечылаште толын шучко увер чоным кочкеш, ӱшаныдыме ушыш шеҥын пура…
Талешке рвезын ешыжлан, родо-шочшыжо-влаклан, ӱмыржӧ мучко самырык-влакым патриот да спорт шӱлышеш туныктен куштымо пашаште тыршыше, ече дене тренер-преподавательлан ыштыше ачажлан - Леонид Анатольевич Байрамовлан, Чорай гимназийыште марий йылмым туныктышо акаже Анжелика Леонидовна Юзукбаевалан ойган чаманымашым каласена, патыр эргыда, шольыда пушкыдо мландыште, узьмакыште лийже.