Радий Хабиров Благовещенск районыш миен

Тушто тудо «ПОЛИЭФ» АО-н, «Благовещенск» ТОСЭР-ыш пурышо резидент, промышленный предприятий да предприниматель-влакын выставкыштым, тыгак Российысе ик эн тошто предприятийым - Благовещенск арматур заводым (БАЗ) - ончен савырнен. Арматур завод 2013 ий годсек Объединённый металлургический компанийын составышкыже пура. ОМК-н президентше Н. Ереминан мутшо гыч, заводышто 1170 еҥ пашам ышта. Градообразующий предприятий трубопроводный арматурым да молым - чылаже куд тӱжем тӱрлӧ сатум - ыштен луктеш. Радий Хабиров арматур заводым вияҥдыме нерген черетан «Промышленный шагатыште» лончылаш шӱден. Тудо кечынак республика вуйлатыше «Демография» нацпроект почеш чоҥымо образований учрежденийлаште лийын, «Башкирские дворики» программа почеш ыштыме кудывече да оласе йырысе кумдыкым тӱзатыме сомыл дене палыме лийын.