Республикысе школлаште тылзылан ик гана спортлан, историйлан, наукылан да моло пайдале сомыллан лӱмлымӧ шуматкечым эртараш тӱҥалыт.
Тидын нерген БР образований да наука министр Айбулат Хажин 22 январьыште ава-ача-влакын республикысе онлайн-погынымашыштышт увертарен. Ты гана, 23 январьыште, изирак класслаште тунемше йоча-влак уремыште спорт модмаште шуаралтыныт, кугурак класслаште шинчымашым погышо ӱдыр-рвезе-влаклан профориентационный занятий-влакым ямдылыме. Айбулат Хажинын мутшо почеш, 2021-ше ийыште Башкортостанысе вузлашке тунемаш пурашлан выпускник-влаклан 2000 ешартыш бюджет верым ойырат.