Все новости
Новости
25 Кылме 2020, 12:25

Посна рӱдерым ыштеныт

Башкортостаныште Антиковидный ситуационный рӱдер пашам ышташ тӱҥалын. Тудым БР Кугыжаныш Собранийын депутатше Римма Утяшева вуйлата.

Башкортостаныште Антиковидный ситуационный рӱдер пашам ышташ тӱҥалын. Тудым БР Кугыжаныш Собранийын депутатше Римма Утяшева вуйлата.
Тиде рӱдер «Торатау» конгресс-холлын зданийыштыже верланен. Тудын полшымыж дене еҥ-влак коронавирус инфекций шотышто лекше йодышыштлан вашмутым писынрак налын кертыт.
Антиковид рӱдерын пашаеҥже ден эксперт-влак стационар да вашкеполыш, эмым ситарыме, ковидлан тест, компьютер томографий амбулаторный рӱдер шотышто да коронавирус инфекций дене кылдалтше моло йодышлан вашештен кертыт. Оператор йыҥгыртышым колышт налеш, мо кӱлешым рашемден, медицина организацийын специалистше дене вашкылым ышташ полшен кертеш.
Ситуационный антиковидный рӱдер кажне кечын 8.00 шагат эр гыч 20.00 шагат кас марте пашам ышта. Чыла район гыч тушко 8(347) 218-19-19 номер дене йыҥгырташ лиеш.
Тыгодым моло службо-влакын шокшо линий номерыштат пашам ышта:
- 1301 - врачым мӧҥгӧ ӱжыкташ,
- 103 - вашкеполышым ӱжыкташ,
- 8 (347) 286-58-27; 8 (347) 279-91-20 (йӱдшӧ-кечыже пашам ыштыше шуко каналан номер) - коронавирус инфекций дене кылдалтше йодышла шотышто,
- 8-800-201-89-03 - 65+ граждан, самоизоляцийыште улшо хронический черан еҥ-влаклан кочкыш-йӱышым да эмым намийыме шотышто.
Читайте нас: