Кодшийсе икымше пелий дене таҥастарымаште, республикыште пашадыме еҥ 4,3 пачаш шукемын.
Июнь мучаште 88 тӱжем еҥ шотлалтын. Нунын кокла гыч 61% - ӱдырамаш, 23,8% - 16-29 ияш самырык-влак. Шукышт (56,2%) кӱшыл да кыдалаш профессионал шинчымашан улыт.
Тыгодым пашадыме еҥ утыр шукемеш, а вакансий шагалемеш. Июнь мучаште 40 тӱжем вакансий лийын, тидыже 2019 ий июньысо деч 22,5 процентлан шагалрак. 67,5% яра верыш пашазе-влакым вучат, увертарат статистика пашаеҥ-влак.