БР ЖКХ министрын алмаштышыже Ильдус Мамаевын ойжо дене келшышын, самоизоляций жапыште ЖКХ услугылан оксам жапыштыже тӱлыдымылан управляющий компаний-влак пеним огыт шотло. «Тыгай вашталтыш пӧртыштӧ шинчыме жап мучаш марте шуйна. Туге гынат, йӧн лийме семын, ЖКХ услугылан оксам садак тӱлен шогыман», - палемден И. Мамаев. Апрельыште план почеш шуктышаш ачалыме паша-влакым ик жаплан чарыме гынат, олалаште кудывечым эрыктыше, моло коммунальный службо-влак ончычсо семынак пашам ыштат.