Олимпиадыште сеҥышылан премийым кучыктат

Общеобразовательный предмет-влак дене Всероссийский да регион-влак кокласе олимпиадылаште (конкурслаште) сеҥыше да нуным ямдылыше туныктышо-влаклан Башкортостан Республика Вуйлыкын премийжым кучыктат. Кызыт Образований министерство премийым налаш материалым погаш тӱҥалын. Министерствын сайтыште ончыктымо документ-влакым 2019 ий 30 сентябрь 16.00 шагат марте образований пӧлка пашаеҥ-влак гына огыл, кандидат шкежат намиен коден (электрон йӧн дене огыт нал) кертеш.