Нефтекамск шукертак тӱрлӧ калыкын шочшыжлан кокымшо суртыш савырнен. Тыште тӱрлӧ калык ик ешла келшен ила. Шкешотан койыш-шоктышыштым, тӱвыра поянлыкыштым марий, руш, татар, башкир, удмурт, украин, таджик, азербайджан, армян-влак сылнын сӧрастарыме кудывечылаште почын ончыктеныт. Пайремыш рӱдола гыч толшо уна-влакат - БР Правительство Премьер-министрын алмаштышыже Л.Х. Иванова, 13 гана Паралимпийский чемпион Р.А. Баталова - нине «кудывечылаш» уналыкеш пурен лектыныт.