Мыняр янлыкым кучаш лиеш?

Башкортостаныште тений 1 август гыч 2020 ий 1 август марте ир янлыкым сонарлыме квотым рашемдыме. Тидын нерген БР Вуйлыкын пашажым шуктышо Радий Хабиров пунчалым пеҥгыдемден. Тудын дене келшышын, сонарлыме у тургымышто республикысе чодыралаште сонарзе-влаклан чылаже 1672 вуй шордым, 1491 вуй ир казам, 14 вуй шурмаҥшым, 324 кӱрен маскам, 593 вуй нергым кучаш разрешенийым пуымо, увертара БР Пӱртӱс дене пайдаланыме да экологий министерствын пресс-службыжо. Тиде документыштак кажне районышто кучаш лийме янлык чотым посна рашемдыме.