Калык ятыр погыныш

Республикысе кокымшо субботникыш Нефтекамск оласе калык "Октябрь" кинотеатр ончылно эрдене ятыр чумыргыш. Экологий субботник лач тыште тӱҥалтышым нале. Шке вер-шӧрым тӱзаташ кумылан-влак коклаште оласе предприятийлаште тыршыше, тыгак образований, тӱвыра пашаеҥ-влак ыльыч. Погынышо калыкым чумыр пашаш тӱшкан ушнымо дене Нефтекамск ола администраций вуйлык Р.Мавлиев саламлыш.