Пенсийым кугемдат

Россий Пенсионный фондын Башкортостанысе пӧлкажын увертарымыж почеш, тиде оксан кугытшо кажныжын тӱрлӧ лийын кертеш да пенсийын чумыр кугытшо деч шогаш тӱҥалеш. Республикысе пенсионер-влаклан кугемдыме пенсийым почто пашаеҥ-влак 3 январьыште намият. Пашам ыштыше пенсионер-влаклан индексацийын радамже ок вашталт. Индексироватлыме пенсийым нунылан пашам ыштымым чарнымеке тӱлат. Пашам ыштыше да ыштыдыме пенсионер-влаклан социальный пенсийым тений 1 апрель гыч 2,4 процентлан кугемдаш палемдыме. Башкортостаныште 98,6 тӱжем тыгай пенсионер шотлалтеш. Илен лекташ ситыше окса деч шагалрак парышан пашам ыштыдыме пенсионер-влак идалык мучко социальный доплатым налаш тӱҥалшаш улыт. БР Кугыжаныш Собранийын-Курултайын палемдымыж почеш, 2019 ийыште пенсионер-влаклан илен лекташ ситыше оксан кугытшо 8645 теҥгеш шуэш.