Марий нефтяникым кӱкшын акленыт

Тений Башкортостан Республика Арлан кундемыште нефтьым промышленный масштаб дене лукташ тӱҥалмылан 60 ий теммым палемдыш. Тидым шотыш налын, «Башнефть» компаний октябрь мучаште шке паша ветеранже, пенсионерже-влаклан Дӧртыльӧ, Нефтекамск, Октябрьский, Ишимбай олалаште «Башкортостанын шым юзыжо» пайремым ямдылен.

Нефтекамскыште тыгай пайрем 18 октябрьыште эртен. Сулен налме канышыште улшо тысе кандаш ветеран-нефтяникым «Башнефть» АНК ПАО-н Почетный грамотыж дене палемдыме. «Арланнефть» НГДУ-што шуко ий тыршен ыштымылан да «Башнефть» АНК-н ветеран ушемыштыже ятыр ий мер пашам шуктымыжлан кӱкшӧ наградым оласе ветеран-нефтяник, марий мер пашаеҥ

А.В. Байгашевланат кучыктымо.

Л. ШАВАЛИЕВА.