Радий Хабиров республикын Урал могыр кундемыштыже лийын

Эртыше каныш кечылаште Башкортостан Вуйлыкын пашажым шуктышо Радий Хабиров республикын кечывалвел районлашкыже миен коштмыж годым Зианчура районышто «Маяк» ООО-н пашаж дене палыме лийын. Республикыште шорыкым ончышо тыгай кугу кластер тачысе кечылан икте веле. Озанлыкыште индеш тӱжем наре вольык шотлалтеш, «Маяк» ООО агрофранчайзинг системым илышыш кумдан шыҥдара. Вольыклан кургымат предприятий шкеак ямдыла. Тыште межым, шылым ыштыме сомылымат ворандарыме.

Радий Хабиров тыгак Хайбулла районышто рӱдӧ больницын, тӱвыра пӧртын пашаштым текшырен, Баймак районышто пӱртӱс кӱм лукмо карьерым ончал савырнен, районын сар, паша ветеранже, производствын ончыл пашаеҥже-влак дене вашлийын, Зауральеште агропромышленный комплексым, корно озанлыкым, спорт, туризм, социальный инфраструктурым, муниципальный печатьым вияҥдыме, сар годсо икшыве-влаклан адресный полышым пуымо нерген мутланен.

Л. ШАВАЛИЕВА.