БР Правительствыште вашталтыш лийын

БР Правительствыште кум вице-премьер - БР Правительство аппаратым вуйлатыше И. Тажитдинов, ял озанлык пашам виктарыше И. Фазрахманов да республикын Москваште полномочный представительже Ф. Самедов - шке пашаштым кызытеш «врио» семын шукташ тӱҥалыт. Республикыште ЖКХ, транспорт, чоҥымо паша да архитектура сомылым Р. Абдрахимов, социальный йодышым Л. Иванова, лӱдыкшыдымылык, правам пудыртымо ваштареш кучедалме сомылым А. Ахметханов виктараш, Мланде да пого вашкыл министерствым О. Полстовалов вуйлаташ тӱҥалыт. Еш, паша да калыкым социально аралыше министрын пашажым шукташ Ю. Мельниковлан, БР Здравоохранений министерствым вуйлаташ Р. Яппаровлан ӱшаныме.

Л. ШАВАЛИЕВА.