Ава капиталым молан кучылтыт?

Ава капиталым тӱлымӧ кугыжаныш программа почеш Башкортостан Республикыште тачысе кечылан чылаже 295 тӱжем сертификатым пуымо, увертара Россий Пенсионный фондын регионысо пӧлкаже. БР-ысе Пенсионный фондым вуйлатыше Ф. Хантимеровын мутшо гыч, ава капиталым еҥ-влак эн шукыжо илыме верым саемдашлан кучылтыт. Башкортостан Республикыште ава капитал полшымо дене 233 тӱжем еш илыме вержым саемден, 10,5 тӱжем еш тиде оксам икшывылан образованийым налаш полшаш кучылтыныт, оксам аван ончыкылык пенсийышкыже кусарыме шотышто 145 йодмашым пуымо, 4 еҥ оксам инвалид икшыве-влаклан полыш семын кучылташ йодмашым возен.