Подписка - 2019

«Башкортостан Республика» Издательский пӧрт 2019-ше ийлан газет да журнал-влаклан подпискым эртарыме конкурсым увертарен.

Конкурсын условийже дене келшышын, кажне изданийлан ик велосипед дене ойырат. Подпискым могай газетлан але журналлан ыштеда, квитанцийымат тудо изданийын редакцийышкыже колтыман, илыме адрес ден телефон номерымат ончыктыман. Велосипед кӧлан логалмым декабрь тылзе мучаште модмашым эртарыме годым пален налына.

«Чолман» газетлан возалтше-влак квитанцийым мемнан редакцийыш колтышаш улыт, кок ораван призымат У ий вашеш тыштак кучыктена. Пел ийлан возалтме ак - 407 теҥгеат 28 ыр (индексше - П2752), идалыклан - 740 теҥгеат 60 ыр (индексше - П3379). Газетым редакцийышке толын налше-влаклан пел ийлан 246 да идалыклан 418 теҥгем тӱлыман лиеш. Нефтекамскыште илыше-влак «Чолманлан» оласе «Красное Знамя» газетын доставке службыж гоч почтысо деч шулдынрак возалт кертыт: пел ийлан 300, а идалыклан 560 теҥге дене логалеш. Тыгай подпискым «Красное Знамя» да «Чолман» газет-влакын редакцийыштышт ышташ лиеш.