2021 ийыште Башкортостаныште мӱкш ончымо шотышто «Апимондий» Тӱнямбал конгресс лиеш. 14 сентябрьыште Башкортостанын Вуйлыкшо Рустэм Хамитовын вӱдымӧ совещанийыште тудлан ямдылалтме йодышлам каҥашеныт. Тӱҥ семын «Пчела - экономическое и экологическое благополучие человечества» темым ойырен налме. Конгрессын пленарный ужашыжым, научный секций-влакын заседанийыштым Уфасе Конгресс-холлышто эртараш кутырен келшыме.