Шыжымат пожар лийын кертеш

15 сентябрь - 15 октябрь кечылаште Башкортостан Республикысе чодыра фондышто санитар лӱдыкшыдымылык да экологий тылзым увертарыме. Экологий тылзе чодыра-влакын санитар состоянийыштым саемдаш, шушаш ийлан пожар лӱдыкшым чактараш полшышаш. Тидын шотышто Башкортостан Республикысе муниципальный район-влаклан чодыра воктене верланыше вер-шӧрым куштыра деч эрыкташ шыжымсе экологий акций-влакым эртараш шӱдымӧ. Тиде сомылыш верысе предприятий, организаций да моло учрежденийлам, тыгак волонтер-влакым ушаш темлыме.

Тений сентябрь-октябрь-ыштат кундемысе, поснак чодыран-курыкан районлаште, чодыралаште пожар лийын кертме лӱдыкшӧ уло. Садлан БР Чодыра озанлык министерство чодыралаште шкем чын кучымо правилым эскераш, ылыжтыме тулотым йӧртен кодаш шӱда. Пожарым верештында гын, 8(347)218-14-14 телефоныш але 8-800-100-94-00 единый федерал номерыш йыҥгыртен увертарыман.

Л. ГРИГОРЬЕВА.