Все новости
Новости
11 Сентябрьыште 2018, 17:59

Пӧртым ырыктымылан кузе тӱлыман?

Игече утыр йӱкшемда. Оласе калык пачерлам ырыктымым вучаш тӱҥалын. Тиддене пырля тений шыжым илышыш у вашталтышым шыҥдарышаш ыльыч - 2018 ий 1 октябрь гыч республикысе 17 муниципалитетыште шокшылан пӧртлам ырыктыме жапыште гына тӱлыкташ тӱҥалме нерген увертареныт ыле.

Кызыт БР Правительствын сайтыштыже вес уверым вераҥдыме. 5 сентябрьыште БР Правительство шокшылан у семын тӱлыкташ тӱҥалме шотышто пеҥгыдемдыме пунчалжым шӧрен да весым луктын. Тыге ыштыме дене коммунальный услугылан тӱлымӧ ак палемдыме эн кугу индексымат эртен кертеш ыле, маныт. Икманаш, 2018-2019 ийлаште шокшылан моло ийласе семынак кажне тылзын тӱлаш тӱҥалына.

Э. АЛЕКСЕЕВА.
Читайте нас в