Йот эл гыч уна-влак толыныт

Башкортостан Вуйлык Рустэм Хамитов Саксоний гыч толшо делегаций дене вашлийын. Саксонийын парламент вуйлатышыже, йырысе вер-шӧрым тӱзатыме да ял озанлык комитет председатель Себастиан Фишер да БР Правительствын еҥже-влак кок кундем коклаште вашкылым вияҥдыме, машиностроений, химий промышленность, ял озанлык, пӱртӱсым аралыме, наука, тӱвыра дене кылдалтше проект-влакым пырля ворандарыме нерген каҥашеныт.

Л. ШАВАЛИЕВА.