Шочмо йылме нерген законым луктыныт

14 августышто школышто тунемше-влакын да ача-аваштын шке ойырен налме шочмо йылмым туныкташ йӧным пуышо закон вийым налын, увертара «Парламентская газета». Кугыжаныш Дума тудым пытартыш лудмаште 25 июльышто приниматлен, эл вуйлык Владимир Путин 4 августышто пеҥгыдемден.

Тыге ынде школьник-влаклан шочмо йылме семын нунылан чынже денак шочмо огыл йылмым тунемаш ок логал. Шочмо йылме семын руш йылмымат ойыраш лиеш - тудым ончыч переченьыш пуртымо огыл улмаш. «Шочмо йылме» предмет туныктымо планын факультативный ужашышкыже ок кусно, обязательный ужашеш кодеш, умыландарат законын авторжо-влак.

Э. АПТУЛМАНОВА.