Сайлымаш кампаний вийым налын

14-ше августлан единый избирательный округ почеш куд политический партийым (тушто 735 кандидат: ЛДПР - 113, «СПРАВЕДЛИВАЯ РОССИЯ» - 113, «Российская экологическая партия «Зеленые» - 106, «КПРФ» - 100, «ЕДИНАЯ РОССИЯ» - 154, «ПАТРИОТЫ РОССИИ» - 149 еҥ), ик мандатан округ почеш 287 кандидатым (тушеч 6 кандидатшым самовыдвижений йӧн дене темлыме, 10 политический партий гыч 281 кандидат) регистрироватлыме. «ЕДИНАЯ РОССИЯ» да «ЛДПР» партий-влак 55, «ПАТРИОТЫ РОССИИ» да «СПРАВЕДЛИВАЯ РОССИЯ» 51, «КПРФ» 42, «Российская экологическая партия «Зеленые» 21, «ПАРТИЯ РОСТА» да «ПАРТИЯ ВЕТЕРАНОВ РОССИИ» 2, «ПАРТИЯ ДЕЛА» да «ЗАЩИТНИКИ ОТЕЧЕСТВА» партий-влак 1 сайлыме округлаште лийыт. Верысе само-управлений органлаш 106 кандидатым («ЕДИНАЯ РОССИЯ» партий гыч 37, ЛДПР гыч 31, «КПРФ» да «СПРАВЕДЛИВАЯ РОССИЯ» партий-влак гыч 4 дене, «ПАРТИЯ ДЕЛА» да «Российская партия пенсионеров за социальную справедливость» партийла гыч 1 кандидат дене, 28 - самовыдвиженец) регистрироватлыме.

Сайлымашлан ямдылыме 811 участкыште КОИБ-влакым (избирательный бюллетеньым шотлышо комплекс) вераҥдат. КОИБ-влакын пашаштым виктараш 1622 операторым ямдылыман. Республикыште улшо КОИБ-влак 219 участкылан веле ситат, садлан молыжым 20-шо август деч вара Удмуртий Республика, Челябинск, Оренбург, Курган областьла да Пермь край гыч кондышаш улыт.

БР Кугыжаныш Собранийыш - Курултайыш депутат-влакым сайлымаште иктешлыше протоколым ыштыме годым чыла избирательный участкылаште тений икымше гана у йӧным - машина лудын кертме код технологийым (QR-код) - кучылташ шонат.

Регистрироватлыме кандидат ден политический партий-влакын агитаций материалыштым савыкташ ямде улмышт нерген 145 газет, 66 полиграфий предприятий, эфир жапым ойыраш ямде улмо нерген 23 телерадиовещаний организаций, 6 сетевой изданий увертареныт.

5 сентябрь марте БР Кугыжаныш Собранийыш - Курултайыш депутат-влакым сайлымаште паспортышто ончыктымо адрес почеш гына огыл, моло вереат йӱклаш многофункциональный рӱдерыште, кеч-могай территориальный избирательный комиссийыште але «ГОСУСЛУГИ» интернет-портал гоч йодмашым пуаш лиеш. Тиде сомыллан республикысе ТИК-лаште 69 пунктым, 76 МФЦ-м, 3391 участковый избирательный комиссийым ямдылыме.

Начар ужшо избиратель-влаклан йӱклаш Уфа ден Белебей олалаште 2 дене, Стерлитамак ден Белорецкыште 6 сайлыме участкым пандус, лӱмын ямдылыме трафарет-влак дене йӧнештарыме лиеш.

Башкортостаныште 2018 ий 1 январьлан 3 059 787 избиратель шотлалтын гын, 2018-ше ий 1-ше июльлан нунын чотышт 3 050 303 еҥыш шуэш. Тушеч 19 618 еҥже икымше гана йӱклаш тӱҥалеш.

БР ЦИК гыч колтымо материал негызеш ямдылыме.