Пашадарда «Мир» картыш мия

Элыштына 2011 ий 27 июньышто илышыш шыҥдараш тӱҥалме «Национальный платежный система нерген» федеральный закон негызеш 1 июль гыч бюджет организацийлаште тыршыше-влакын пашадарыштым да студент-влакын стипендийыштым «Мир» картыш гына колтылаш тӱҥалыт. Тидлан организаций-влак ончылгоч ямдылалтшаш да чыла сотрудниклан у картым ыштышаш лийыныт, маныт. Тыге 1 июль гыч банк-влак тӱнямбал платежный системыш оксам колтымылан чаракым ыштышаш да тудым организацийлан але вузлан мӧҥгеш пӧртылтышаш улыт. Но еҥ-влак окса деч посна огыт код - оксам колтышаш счетым лу кече коклаште шижтарен, пашадарым паша верыште налын кертыт, воза «Российский газет».