Калык вургемынат пайремже уло

Уфаште «Башкортостан, Урал да Юлсер кундем калык-влакын национальный вургем ойыртемышт» научно-практический конференций эртен. Тудын пашашкыже Москва, Башкортостан, Марий Эл, Татарстан, Чуваший, Удмуртий, Калмыкий, Крым, Пермь да Хабаровск край, Волгоград, Оренбург, Свердловск областьын наука да образований, кугыжаныш кучем, национально-культурный ушем-влакын еҥышт ушненыт. Конференцийыш Башкортостан Вуйлык Рустэм Хамитоват миен. Тиде кечынак олаште Национальный вургем-влакын парадышт лийын. Шке калыкын вургемжым чиен, рӱдолан уремлаж дене Юлсер, Кокла Азий, Кавказ, Китай, Индий, Вьетнам, Африка гыч улшо калык-влакат эртеныт.

Л. ШАВАЛИЕВА.