Президент дене вияш линий лиеш

Эрла, 7 июньышто 12 шагат кечывалым, Россий Президент Владимир Путин дене вияш линий тӱҥалеш. Эл вуйлык общественно-политический, социально-экономический, тӱнямбалсе обстановка дене кылдалтше йодыш-влаклан вашешта.

Йодышым 7 июньышто программа пытымешкак колташ лиеш. Тидлан икмыняр йӧным темлат: уверым обработатлыше единый рӱдерыш 8-800-200-40-40 номер дене тугок йыҥгырташ, Российысе связь оператор-влакын телефон гыч 0-40-40 номерыш sms але mms-уверым тугок колташ але moskva-putinu.ru (москва-путину.рф) сайт гоч йодышым пуаш.

4 июнь 18.00 шагатлан шотлымаште 583858 йыҥгыртыше лийын, 240002 sms, 22692 mms-увер пурен, увертара «РИА Новости».

Вияш линийым «Первый», «Россия 1», «Россия 24», «ОТР», тыгак «Маяк», «Вести FM», «Радио России» радиостанций-влак транслироватлаш тӱҥалыт.

Э. АПТУЛМАНОВА.