Эмым ситышын пуат

Нефтекамск ола гыч глаукома да бронхиальный астма дене орланыше 41 ияш ӱдырамашлан эреак эмым йӱаш верештеш. Кокымшо группа инвалид семын тудлан медикаментым тугок ойырышаш улыт, но 2017 ийыште оласе больницын врачше-влак кӱлеш эмым ситараш йӧным ыштен огытыл, а 2018 ийыште прокуратура тергыме деч вара гына рецептым налын. Олан тӱҥ врачшылан прокуратурын представленийым колтымыж деч вара ты йодышым шотыш конденыт, титакан еҥже законым шуктыдымылан мутым куча. Э. АХМЕТШИНА, Нефтекамск ола прокурорын кугурак полышкалышыже.