«Частник» операций эрта

14 гыч 25 май марте Башкортостаныште трактор, самоходный машина-влакын корнылаште коштмо правилым пудыртымыштым эскерыме шотышто «Частник» декадник эрта. Тӱҥ кугыжаныш инженер-инспектор-влак район ден ола округлаште самоходный машина-влакын да нунын прицепыштын технический состоянийыштым тергат, тыгак ял поселенийлаште регистрацийым да техосмотрым эртыдыме самоходный техника улмым эскерат. Кугыжаныш технадзор инспекций техникым тракторист-машинистын удостоверенийже деч посна виктарыше да моло йодмашым пудыртышо-влаклан нине экшыкым кораҥдаш шӱда.

И. ХАЛИМУЛЛИН, БР Кугыжаныш технадзор инспекцийын Нефтекамск оласе тӱҥ инженер-инспекторжо.