«Келшымаш аршашыш» ушненыт

Краснокам район Эльян селаште Сталинград кредалмаште сеҥымашлан 75 ий темме лӱмеш республикысе «Келшымаш аршаш» VI усталык фестивальын верысе конкурсшо эртен. Тушто районын куштышо, мурышо, семӱзгар дене шоктышо образцовый да калык коллективше-влак мастарлыкыштым шуареныт. Сценысе руш, башкир, татар коллектив-влак коклаште Краснокам районысо марий мурышо-куштышо ансамбль-влакат шкем сай кӱкшытыштӧ ончыктеныт.