Экологий субботник лиеш

21 апрель гыч 21 май марте элыште «Ужар шошо» Всероссийский экологий субботник эрта. Тушко республикын предприятий ден организацийже-влакат ушнат. Тидлан Всероссийский экологий субботникын сайтыштыже регистрацийым ыштыман. Акций жапыште «Ужар шошо» субботник нерген эн сай видеосюжетлан да мурылан конкурс-влак эртат. Тудым 5 июньышто Москваште иктешлат. Конкурсышто сеҥыше да субботникыште шкем эн чолган ончыктышо-влакым пӧлек дене палемдат.