Ял озанлык техникым ачалат

Шошо ага вашеш республикыште трактор-влакым 25 март марте ямдылен шукташ палемдыме. Тиддеч вара самоходный техникылан техосмотрым эртарат. Пытартыш тергыме почеш, кундемыште трактор паркым уэмдыме пашам 88 процентлан шуктымо. Озанлыклаште улшо 14,9 тӱжем трактор гыч 13,1 тӱжемже тӱз улеш. Ӱдымӧ машина-влакын ямде улмышт 95 процентыш, культиватор-влакын 97 процентыш шуэш. Тений кок тылзе жапыште кундемысе аграрий-влак 174 миллион теҥгелан 120 техникым налыныт, увертара БР Ял озанлык министерство.