Вӱдшорлан ямдылалтыт

БР Правительствыште эртыше изарнян Чрезвычайный ситуаций, пожарный лӱдыкшыдымылык да вӱд ташлыме ваштареш кучедалше республикысе комиссий-влакын погынымашышт эртен. БР Правительство премьер-министрын алмаштышыже Марат Магадеев кундемысе гидротехнический сооружений, техникын шошымсо вӱдшорлан ямде улмышт шотышто специалист-влак дене мутланен. Вӱд ташлен кертме лӱдыкшыдымылыкым чактарыме сомыллан тений чылаже 6 миллионат 632 тӱжем теҥгем ойыраш палемдыме.