МРОТ-ым кугемдаш ик миллиардым ойырат

Башкортостанын парла-ментарийже-влак 2018, 2019, 2020-шо ийлаште республикын бюджетышкыже вашталтышым пуртынешт. «Ик миллиард теҥге оксам эн изи пашадарым тӱлашлан ойырымо лиеш. Тений 1 январьыште тудо 9489 теҥгеш шуын. 1 май гыч 11163 теҥге лийшаш. Тылеч посна 300 миллион теҥгем тӱвыра учреждений-влакым ачалаш ойырат. Тиде сомыл Башкортостан Республикылан 100 ий темме да Уфаште 2020-шо ийыште эртышаш тӱнямбал Фольклориада вашеш шукталтеш», - каласен БР Кугыжаныш Собранийын председательже Константин Толкачев.